О.Сайнбаяр зодог тайлах уу?

Лигийн багуудын хоорондох урьдчилсан сорилго тэмцээн болж байна. Өнөөдөр, яг одоо аваргын төлөөх тоглолт явагдаж байна. Гэвч, дэмждэг баг маань байхгүй болоод ч тэр үү, дэмждэг тамирчид маань тоглоогүй болоод ч тэр үү, нэг л сонирхолгүй, нэг л өрсөлдөөнгүй. Нодлингийн лигийн тэмцээнд оролцсон байгуудаас ганцхан “Баянзүрх Булс-МВМ” баг оролцохгүй болчихоор сонирхолгүй болно ч гэж юу байхав. Бусад 7 багууд бүгд л тоглож байгаа мэт боловч Спортын төв ордон нэг л эл хуль, хоосон хөндий байх юм. Лигийн тэмцээний үеэр билет худалдаж аваад үзээд байдаг үзэгчид хаачаа вэ? Үнэгүй тэмцээнийг үзэх завшааныг яагаад ашиглахгүй байна вэ? Аваргын төлөөх тоглолт нь хов хоосон зааланд

болж байна. Аргагүй биз дээ. Энэ тэмцээнд Сайнаа ах алга, Ихээ ах алга, Төрөө ах алга, Уугаа ах алга, Болдоо ах алга, тэрчлэн  Сүлдээ ах, Билгүүн ах, Мэргэн ах  нар алга. Тэдний тоглолт ордонд үгүйлэгдэж байна.

МСБХ, лигт оролцох баг тамирчдын бэлтгэлийг сорих, тамирчдын шилжилт хөдөлгөөнийг тандах зорилгоор явуулж байгаа хэмээн тайлбарлаж байгаа энэ тэмцээнээ энэ жилийн хамгийн томоохон тэмцээн гэж байгаа боловч өмнөхөн нь болж өнгөрсөн “Холбоодын цомын” тэмцээнээс хэд дахин сонирхол муутай болж байх шиг.

“Баянзүрх Булс-МВМ” баг энэ тэмцээнд орсонгүй. Лигийн тэмцээнд ороход бэлэн биш байна уу? “Бридж констракшн”, “МВМ” клубийн хоорондын үл ойлголцлоос болоод “Баянзүрх Булс-МВМ” баг энэ жил лигт толгох эсэх нь ч тодорхойгүй болжээ. Уг нь анх дасгалжуулагч Л.Эрдэнэпүрэв л “Баянзүрх Булс-МВМ” багаа дасгалжуулахаас татгалзаж, ажлаа өгсөн гэсэн шум тарсан боловч энэ шийдвэр нь бүх багт нөлөөлж магадгүй болоод байна.  Отгоо, Оршихоо, Оргил гурвыг эс тооцвол энэ багийн гол цөмийг МВМ клубийн тамирчид бүрдүүлдэг. МВМ клубийн тамирчид багшийгаа хүрээлж цугласан баг бөгөөд багш нь дасгалжуулахгүй л бол тэдний хувьд “Баянзүрх Булс-МВМ” багт  тоглох зайлшгүй шалтгаан байхгүй юм.

Дасгалжуулагч Л.Эрдэнэпүрэв сүүлийн арав гаран жил уйгагүй ажиллаж, шавь нараа бэлтгэж, энэ багийг бүрдүүлсэн бөгөөд улмаар лигд тоглох эрхийг авч, лигийн хамгийн хүчирхэг, үргэлж түрүүлэх хэмжээний өрсөлдөөн үзүүлдэг, олон мянган хөгжөөн дэмжигчдийн дэмжлэгийг татаж чадсан, олон мянган залуусын хайртай багийг үүсгэсэн гэдэг. Гэвч олны хайртай энэ баг тарж магадгүй боллоо. Шалтгаан нь ердөө л эдийн засгийн шалтгаан. Олигтойхон ивээн тэтгэгчгүй учраас энэ баг ивээн тэтгэгч хайж явсаар “Бридж констракшн” -тай хамтран ажиллах болсон. Гэвч энэ хамтын ажиллагаа бүтэлгүй болж, баг тарж магадгүй болжээ. Харамсалтай...

Багш нь дасгалжуулахгүй гэдгийг сонсоод хамгийн түрүүнд 2009 оны лигийн тэргүүн тоглогч О.Сайнбаяр зодог тайлах тухай бодож байгаа талаар шуугиж эхэллээ. Хоёрхон жилийн өмнө лигийн тэргүүнээр шалгарч байсан түүний хувьд зодог тайлахдаа тулаагүй нь тодорхой. Ямар учраас тэр вэ, гэхээр багштайгаа хамт тоглож чадахгүй гэдэг нь л түүнийг ийм шийдвэр гаргахад түлхэж байгаа байх. Гэтэл О.Сайнбаяр чинь багийн ахлагч шүү дээ. Багийн дасгалжуулагч нь ажлаа өгч, багийн ахлагч нь зодог тайлчихаар энэ багийн хувьд хүнд цохилт болно. Одоо Ихбаяр, Баттөр, Мөнхсүлд нар өөр багт тоглоно гэвэл энэ баг тарж байгаа гэдэг нь тодорхой болно.

Гэтэл энэ баг чинь миний ХАЙРТАЙ баг шүү дээ. Ганцхан миний ч биш, олон мянган хөгжөөн дэмжигчдийн хайртай баг гэдэгт итгэж байна. Сайнаа ах энэ жил тоглохгүй болно гэхээр сагсан бөмбөг үзэх ямар ч сонирхолгүй болж байна. Ихээ ах МВМ –д тоглохгүй гэхээр би хэний уран гоё тоглолтыг үзэж, уран гоё дамжуулалтыг хүлээх болж байна вэ? Миний ХАЙРТАЙ баг битгий тараасай. Сагсан бөмбөгийн БУРХАН ТЭНГЭР гэж хэрвээ байдгийн бол миний, бидний хайртай МВМ багийг битгий тараагаач. Сайнаа ахаа зодгоо битгий тайлаач, Эрдэнэпүрэв багшаа багаа битгий тараагаач. Бриджийнхээн, багаа битгий бутраагаач.